Oplus_131072
काठमान्डौं १४असोज २०८२—
धरान उपमहानगरपालिकाका मेयर हर्क साम्पाङ राईले नयाँ राजनीतिक यात्रा सुरु गरेका छन्। सामाजिक परिवर्तन र श्रमिक अधिकारका पक्षमा सक्रिय मेयर साम्पाङले नयाँ राजनीतिक दल ‘श्रम संस्कृति पार्टी’ गठन गरेको घोषणा गरेका छन्।
साम्पाङका अनुसार यो पार्टी श्रमिक वर्ग, किसान, युवा र आम जनताको आवाजलाई राजनीतिमा प्रत्यक्षरुपमा स्थापित गर्न गठन गरिएको हो। उनले भने, “हामी भ्रष्टाचार, पैसाको खेल र पुराना राजनीतिक संस्कृतिबाट थाकेका छौं। अब श्रम, इमानदारी र संस्कृतिमा आधारित नयाँ राजनीति आवश्यक छ।”
https://www.facebook.com/share/p/1CUACkhzzK
‘श्रम संस्कृति पार्टी’ले आगामी स्थानीय, प्रादेशिक र संघीय निर्वाचनमा सहभागिता जनाउने योजना बनाएको छ। पार्टीले आफ्ना मतदातालाई सहज र सरल तरिकामा पहिचान दिलाउनका लागि ‘माटोको थुप्रो’ लाई चुनाव चिह्नका रूपमा चयन गरेको छ।
साम्पाङले माटोको थुप्रोलाई जनताको माटो, श्रम र आफ्नै देशप्रेमको प्रतीकका रूपमा वर्णन गर्दै भने, “हामी सबै माटोबाट बनेका हौं र माटोमै फर्कन्छौं। यो पार्टी माटो जस्तै साधारण तर शक्तिशाली हुनेछ।”
राजनीतिक विश्लेषकहरूले साम्पाङको यो कदमलाई नेपालमा नयाँ राजनीतिक विकल्पको सुरुवातका रूपमा हेरेका छन्। अब आगामी चुनावमा श्रम संस्कृति पार्टीले कस्तो प्रभाव पार्ने हो भन्ने विषयमा भने राजनीतिक वृत्तको ध्यान केन्द्रित भएको छ।
About the Author
