बालेन शाहले तीन मुख्य माग राखे प्रधानमन्त्रीसँगको भेटमा

रविन्द्र राज गौतम १० असाेज २०८२ काठमाडौं ।

काठमाडौँ महानगरपालिकाका मेयर बालेन शाहले प्रधानमन्त्री सुशीला कार्कीलाई भेटेर हालैको जनजी आन्दोलनसँग सम्बन्धित विषयहरूबारे स्पष्ट मागहरू अघि सारेका छन्।

janahitkhabartv.

करिब ३० मिनेट लामो भेटमा मेयर शाहले आन्दोलनका मागहरू ढिलाइ नगरी सम्बोधन गर्नुपर्ने, भदौ २३–२४ गते आन्दोलनका क्रममा प्रहरीद्वारा भएको गोली प्रहारबारे निष्पक्ष छानबिन गरी दोषीमाथि कारबाही गर्नुपर्ने, र नयाँ पुस्ताको प्रतिनिधित्व मन्त्रिपरिषद्मा सुनिश्चित गर्नुपर्ने तीन मुख्य सरोकार प्रधानमन्त्रीसमक्ष राखेका थिए।

प्रधानमन्त्री कार्कीले शाहले प्रस्तुत गरेका विषयहरूलाई ध्यानपूर्वक सुनेकी थिइन्। उनले संविधान र कानुनको मर्यादाभित्र रही जनताको मागलाई सम्बोधन गर्ने प्रतिवद्धता जनाउँदै आगामी दिनमा सुशासन र जवाफदेहितालाई प्राथमिकतामा राखिने बताइन्।

यो भेटलाई राजनीतिक विश्लेषकहरूले आन्दोलनलाई शान्तिपूर्ण निकास दिने र सरकार तथा स्थानीय तहबीच सहकार्य मजबुत बनाउन सक्ने सकारात्मक संकेतका रूपमा लिएका छन्।

About the Author

Janahitkhabar

Administrator

Visit Website View All Posts