टीकापुर संयुक्त सुकुम्बासी लाइ ताेडफाेडकाे दाेषप्रती चेतावनी: “ सम्पुर्ण जिम्मेवारी सरकार लिनुपर्छ

कैलाली टीकापुर २ असाेज २०८२ भुमीहिन सुकुमबासी अव्यस्थीत बसाेबासी एकता समाज नगर समन्वय समीती टीकापुरले जेन जेड आन्दोलन” माथिको दमनको जिम्मेवारी सरकार लिनुपर्छ भनी विभिन्न बस्तीका अगुवाहरूकाे संयुक्त हस्ताक्षर सहित प्रेस विज्ञप्ती निकालेकाे छ । जेन जी (ZGEN-G) द्वारा अभिव्यक्ति स्वतन्त्रता, प्रेस स्वतन्त्रता, र भ्रष्टाचार नियन्त्रणको माग गर्दै आयोजित देशव्यापी आन्दोलनमा भएको सुरक्षाकर्मीको दमनबाट ठूलो मानविय क्षति भएको भन्दै त्यसको जिम्मेवारी राज्यले लिनुपर्ने माग उठेको छ।

प्राप्त प्रेस विज्ञप्ति अनुसार, आन्दोलनमाथिको राज्यद्वारा गरिएका ‘नरसंहारकारी’ दमनका कारण न केवल मानविय क्षति भएको छ, तर त्यसबाट उत्पन्न जनआक्रोशका कारण भौतिक संरचनामा पनि क्षति पुगेको उल्लेख गरिएको छ। आन्दोलनका क्रममा राजधानी काठमाडौंसहित विभिन्न स्थानमा भएको हिंसात्मक घटनाले देशले अतुलनीय क्षति भोग्नुपरेको जनाइएको छ।

विज्ञप्तिमा भनिएको छ, “एकातिर राज्यको दमनले नागरिकहरूको ज्यान गयो भने अर्कोतिर त्यही जनआक्रोशले भौतिक संरचनामा क्षति पुग्यो। यी दुबै पक्षका क्षतिको अन्तिम जिम्मेवार सरकार आफैँ हो।”

प्रेस विज्ञप्तिले तत्कालीन सरकारको ‘अहंकार’ र ‘प्रतिगामी षड्यन्त्र’का कारण देशले संसद विघटन, संकटग्रस्त अवस्था, र राजनीतिक अस्थिरता भोग्नुपरेको दाबी गरेको छ। यद्यपि नयाँ निर्वाचनपछि चुनिएको मन्त्रिपरिषद र संविधानले देशलाई ठूलो दुर्घटनाबाट जोगाएको विज्ञप्तिमा उल्लेख छ।

विशेषगरी भदौ २४ गते टिकापुरमा भएको भाैतिक क्षति—सुकुम्बासी बस्तीहरूलाई क्षतिको आरोप लगाउने प्रयासप्रति आपत्ति जनाउँदै, उक्त आरोपलाई बेइमानीपूर्ण भन्दै प्रेस विज्ञप्तिले त्यसको डटेर प्रतिवाद गर्ने चेतावनीसमेत दिएको छ। सार्वजनिक संघसंस्था र भौतिक संरचनामा भएको तोडफोड—प्रति सरकारले जिम्मेवारी लिनुपर्ने माग गरिएको छ। विज्ञप्तिमा चेतावनी दिइएको छ कि, “यदि सरकारले क्षतिको जिम्मेवारी लिएन र आन्दोलनमा संलग्न पक्षहरूलाई दोषी ठहर गर्ने प्रयास गरियो भने देश पुनः ठूलो दुर्घटनातर्फ जान सक्छ।”