माजसेवी दाताहरुको सहयोग: घोडाघोडी नगरपालिका वडा नं. ८ मा हत्या भएका केशर सिंह बुढाको परिवारलाई आर्थिक सहायता
घोडाघोडी, २०८२ कार्तिक ११
घोडाघोडी नगरपालिका वडा नं. ८, जरही स्थित २०८२ साल असोज महिनाको २४ गतेका दिन स्वर्गीय केशर सिंह बुढाको जघन्य हत्या गरिएको थियो। उहाँको घाँटी काटेर हत्या गरिएको यो अमानवीय घटना समाजलाई निकै स्तब्ध पार्यो। उहाँको असमय निधनसँगै परिवारको जीवनमा ठूलो कठिनाइ आएको छ।
स्वर्गीय केशर सिंह बुढाको श्रीमती र तीनवटा छोराछोरी अहिले जीवनयापनको लागि कडा संघर्ष गरिरहेका छन्। परिवारको प्रमुख व्यक्तिको असमय निधनले उहाँको परिवारको मनोबल निकै गिरिसकेको छ।
यसैवेला, घोडाघोडीका समाजसेवी दाताहरुले केशर सिंह बुढाको परिवारलाई आर्थिक सहायता पुर्याएका छन्। घोडाघोडीका प्रसिद्ध व्यवसायी श्री विकास गौतम, जो सुनचाँदी गहना पसलका प्रोप्राइटर हुन्, न्यु घोडाघोडी फेल्स सेइलिङ एण्ड लाइट हाउसका बिक्रम बिष्ट, जे के फेन्सी स्टोरका प्रोप्राइटर रियल जेम्स, र जनहित खबर टेलिभिजनका संचालक रोसन रसाइलीज्यूले आर्थिक सहयोग गरेका छन्।
यी दाताहरुको सहयोगले परिवारको अवस्था केही सहज भएको छ र यसले समाजमा एकता र मानवता प्रकट गरेको छ। यस्ता सेवामूलक कार्यहरूले हामीलाई एक अर्काको दुःखमा सँगै उभिन प्रेरणा दिन्छ।
ध्यान दिनु पर्ने कुरा यो हो कि, यस्ता सहयोगहरूले समाजमा एक सकारात्मक सन्देश दिन्छ र असहाय र पीडितहरूको सहयोग गर्ने कार्यलाई प्रोत्साहन दिन्छ।
स्वर्गीय केशर सिंह बुढाको परिवारको दुःखमा सबैलाई सहयोग गर्ने बेला आएको छ।
About the Author
